- 50 -

1358. Dezember 8.

Nos Eufemia quondam Illustris Principis ac domini domini Przemislij Ducis Rathouorie filia, Priorissa Claustri seu Monasterij Virginum et Sororum in Civitate Rathouoriensi fatemur et recognoscimus presentibus universis, Quod maturo consilio prehabito mentis et bone racionis compos, de bonis nobis a deo concessis et a progenitoribus nostris rite et racionaliter devolutis tale facimus testamentum. Primo et principaliter legamus damus ordinamus assignamus et irrevocabiliter resignamus Nobilibus pueris filiabus quondam Sororis nostre Inclite domine Anne, Consortis Serenissimi Principis et domini, domini Nicolai Oppauie et Rathouorie ducis ex ipso progenitis, domicellabus Elizabeth et Agnes nobiscum in dicto nostro claustro degentibus, Universaliter omnia et singulariter singula nostra bona, quocunque nomine censeantur aut in quibuscunque rebus consistunt, Jure proprietatis ad nos pertinencia. Primo in terra Rathouoriensi, ex illa parte fluminis que Odra vulgariter dicitur has iacentes quatuor villas, videlicet Liski, Pogrebine, Luboma, Marcouicze cum Allodijs Molendinis piscinis piscibus et piscacionibus, pratis silvis nemoribus rubetis et cum universis pertinencijs et appendijs suis. Item in Civitate Sarensi de decem Bancis carnium de quolibet quintus dimidius lapis fusi et mundi sepi omni anno in festo beati Martini cedent. Item in Civitate Rathouor a quolibet Pannicida unam Marcam Polonicalem omni anno in festo beati Galli recipient. Item de qualibet Instita octo scoti in iam dicto festo. Pretera de quolibet laneo ante Civitatem Rathouoriensem sito sex scoti pro annuo censu debentur. Item omni anno de Novis ortis adiacentibus Civitati Rath. novem Marcas Polonicales et novem Scotos. Item de domibus in lata platea et decinis (sic) in fossato situatis una Sexagena grossorum veri census cum omnibus que continentur in Prosuinkel. Super hec omnia damus et adiungimus eciam villam Bougnou cum allodio et attinencijs, usufructibus et appendijs universis. In ducatu vero Oppauiensi, oppidum Babrouicz cum Advocacia et Oppidanis, Et hijs villis ad hoc ab antiquo pertinentibus, videlicet Dehilau, Ciruenkau, Sulkau, cum singulis allodijs, molendinis, piscinis, piscacionibus, pratis, rubetis, montibus, planis, silvis, censu, hominibus et proventibus ac singulis utilitatibus quocumque vocentur nomine et poterint inveniri. In omnibus autem bonis predictis Nobilis ac Religiosa virgo domicella Anna filia domini Semouiti ducis Mazouie Illustris in prefato Claustro nobiscum degens cum antedictis domicellabus omnino equalem partem obtinebit. Item villam Bescav cum suis omnibus pertinencijs, utilitatibus et appendijs universis in quibuscum rebus consistunt, volumus solis virginibus domicellabus predictis Elizabeth et Agnethe dirivari penitus et deberi. Dimidia autem pars ville Suchinczyn soli domicelle Elizabeth predicte assignabitur et debetur. Insuper in districtu Coslensi villam dictam Vczescav cum allodio Warmincouicze et allodio in Mozerav cum Jure patronatus seu collacionibus singularum Ecclesiarum ad nos dudum pertinentibus et obtentis. Tali condicione adiecta, si domicella Anna nata prenominati domini ducis Mazouie Illustris supervixerit Elizabeth et Agnethe domicellabus prefatis sublatis de medio, antedicta Anna omnia premissa tenebit ac libere possidebit, Exceptis quatuor villis priusnominatis ab alia parte fluminis Odre iacentibus et situatis, que tunc cum omnibus suis pertinencijs proventibus et utilitatibus ad Conventum Sororum et virginum in predictum Claustrum et Monasterium quantocius devolventur. Preterea ordinamus volumus disponimus et legamus, quod de perceptis in villa Vcescav fratribus ordinis Predicatorum in Rathouoriensi claustro pro brasio dari debentur et assignari decem Marce polonicalis numeri et pagamenti Respectu quarum Prior iamdicti Claustri qui est pronunc vel fuerit infuturum, debet et tenetur omni die in Monasterium predictarum virginum ac sororum pro dicendis Missis ibidem transmitted quatuor fratres. Addicimus eciam omnino volentes, Si dominus Johannes dux filius antedicti domini Nicolay et domine Anne Sororis nostre pie recordacionis umquam filiam procreatam ex se legittime generaverit, ipsam quoque nostro ordini religioni et Conventui in antedictum Claustrum tradiderit, Illa cum predicta domicella Anna predicti ducis Mazouie filia, omnia et singula ipsis prescripta tenebit, gubernabit ac eciam possidebit. Quamobrem promittimus bona nostra sincera fide hanc nostram donacionem, legaciouem et liberam resignacionem in omnibus premissis factam, ordinatam et dispositam nullius suggestionis et ingratitudinis causa seu alicuius informacionis sinistre in vita vel in morte contraire seu aliqualiter revocare. Singulis autem domicellabus hominaliter et luculenter superius expressis non existentibus Omnia prius expressa et recitata, ut premittitur, ad Conventum sororum ac virginum in antedicto claustro in Rathouor perhenniter debent pertinere et devolvi, nullo umquam inpediente, contradicente seu aliqualiter refragante. Insuper volumus ut deinceps de perceptis hijs sublevamentis et nostris donacionibus dicte Sorores inperpetuum in ipso claustro degentes iugiter orent pro animabus parentum nostrorum et specialiter fratris nostri Illustris Lesconis bone memorie nostreque semper exerceant pios actus. Hanc autem donacionem, legacionem et resignacionem nostram Excellentissimus Princeps et dominus dominus Nicolaus Oppauie et Rathouorie dux, Inclitus quoque dominus Johannes filius dicti domini ducis, consensum plenum et operam bone voluntatis addunt, dederunt et assensum benivolum et benignum, Rata firma et grata habentes omnia et singula prelibata, plena auctoritate ac potestate debita confirmantes. Ut autem hec premissa et omnia expressa superius robur obtineant perpetue firmitatis, presentes litteras scribi fecimus et nostri Sigilli ac Sigillis premissorum Ulustrium Principum et dominorum scitu, mandatu, presencia et beneplacito, iussimus et providimus munimine roborari. Datum in antedicto claustro Sito in Civitate Rathouoriensi, Anno domini Millesimo Trecentesimo Quinquagesimo octavo Proximo Sabbato post festum beati Nicolai Episcopi et Confessoris, In presencia sepedictorum Principum et dominorum, domini Nicolai et eiusdem filij domini Johannis ducis priusdicti, Heynrici dicti Hoberk Militis, Religiosi viri fratris Petri provincialis provincie Polonie, fratris Johannis confessoris virginum et sororum predictarum ordinis Predicatorum beati Dominici, Petri quondam Gotfridi, Rectoris Ecclesie beati Nicolay ante fores Civitatis Rathouoriensis, publici Notarij, qui eciam super hac nostra premissa legacione, donacione et resignacione, peticione et bona voluntate nostra prehabita scripsit et confecit instrumentum publicum, et alijs pluribus fide dignis. Et per manus Franczcisci Plebani in Grecz prope Oppauiam Olomucensis dyocesis Prothonotarij prenominati Incliti Principis domini Nicolai Oppauie et Rathouorie ducis, Sororij nostri karissimi, in Testimonium omnium premissorum.

Siegel an grünen und rothen Seidenfäden 1) klein und rund, zerbrochen, der Offca. 2) Reitersiegel des Herz. Nik. mit Rucksiegel. 3) ein Rest des Wappensiegels des Herz. Johannes.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.